age empires online wiki review

LES CAPENOULES - MIN P’TIT FRERE 1967 In étant jeune grand-mère m’a dit : " Garchon, t’comminche à d’v’nir in âche " " Comme te m’as toudis obéi, j’espère que te s’ra toudis sache " " Comme te sais tout prindre par l’bon bout, et ch’est là dins tin caractère " " Sache, que j’te conseille avant tout, ch’est d’avoir bin soin eud’tin p’tit frère " " Sache, que j’te conseille avant tout, ch’est d’avoir bin soin eud’tin p’tit frère " R’vetiez, comme j’in étos soigneux, i’étot toudis dins l’flanelle Et j’l’avos toudis sous mes yeux, je’n’le quittos point d’eune semelle Et l’dimanche quand j’n’sortos point, j’trouvos toudis quoi à’m’distraire Euj’m’in allos dins un p’tit coin, j’m’amusos avec min p’tit frère Euj’m’in allos dins un p’tit coin, j’m’amusos avec min p’tit frère Bien rouche, bien joufflu, bien portant, il avot tous les avantaches Un jour il m’a surpris pourtant, dire qu’il li poussot des moustaches Cha li donnot l’air d’un sapeur, cha li donnot l’air si sévère Que j’vous assure que j’avos peur, chaque fos qu’j’arvétios min p’tit frère Que j’vous assure que j’avos peur, chaque fos qu’j’arvétios min p’tit frère Petit à p’tit j’l’ai vu grandir, eus’tiête est dev’nu tell'mint dure Que’j’pouvos pus l’faire obéir, i crachot presque dins’m’figure Et j’avos bieau à’l’caresser, chaque fos qu’i’s’mettot in colère Y’avot pus moyen d’l’apaiser, j’étos pus maît’eud’min p’tit frère Y’avot pus moyen d’l’apaiser, j’étos pus maît’eud’min p’tit frère Un jour les files de min quartier, pour euss’l’avoir sont venues m’rintinde Is m’ont tell'mint intortillé, qu’à la fin j’me lé laicher printe Is me l’ont rindu tout braillant, je’n’sais point ch’qu’is ont pu i faire Car i n’i’étot pus même qu’avant, j’arconnaichos pus min p’tit frère Car i n’i’étot pus même qu’avant, j’arconnaichos pus min p’tit frère Oui mais maint’nant in dev’nant vieux, pour li ch’est in aute paire de manches I’est dev’nu tell'mint sérieux, qui sort à peine tous les dimanches Et quand j’m’in vas pour l’pormener, i n’va pus qu’in r’vétiant par terre Suis obligé de l’hochéner, si je veux vire bouger min p’tit frère Suis obligé de l’hochéner, si je veux vire bouger min p’tit frère